“మళ్ళీ జన్మించిన మా అన్నయ్య” అంటున్న మోహన్ బాబు.

   విలక్షణ నటుడు మోహన్‌బాబు ‘యన్‌టిఆర్‌’ సినిమాలోని కొన్ని సన్నివేశాలను చూసినపుడు ఎన్టీఆర్ మళ్లీ పుట్టినట్లు అనిపించిందని అన్నారు. ఎన్టీఆర్‌ జీవితాధారంగా తెరకెక్కిన ‘యన్‌టిఆర్ కథానాయకుడు’ సినిమా ప్రేక్షకుల ముందుకు ఇవాళ విడుదలయ్యింది...,

ఈ సందర్భంగా నటసార్వభౌముడితో తనకున్న అనుబంధాన్ని గుర్తుచేసుకుంటూ మోహన్ బాబు ట్వీట్‌ చేశారు ఇలా, ‘రామారావు… నాకు అన్నయ్య.. ‘ఒకే గర్భములో జన్మించకపోయినా మనమిద్దరం అన్నదమ్ములం’ అని చెప్పిన మహానుభావుడు. ఎన్టీఆర్ బయోపిక్‌ని తెలుగులో తీయడమనేది మామూలు విషయం కాదు, అది కొంచెం కష్టతరమైన పని. బాలకృష్ణ ఒక మంచి దర్శకుడి చేతిలో పడి, ఆ సినిమాను నిర్మించి, నటించాడంటే… ఇదొక అద్భుతం, అమోఘం. ఆడియో ఫంక్షన్‌కు నన్ను పిలిచారు నేను వెళ్ళాను, కొన్ని క్లిప్పింగ్స్ చూస్తే మళ్ళీ అన్నయ్య పుట్టాడా..? అనిపించింది. బాలకృష్ణ కొన్ని యాంగిల్స్‌లో తన తండ్రిని పోలి ఉండడం అనేది కూడా ఒక అద్భుతం. ఈ సినిమా అత్యద్భుతమైన విజయాన్ని సాధిస్తుందని నమ్ముతూ ఆ భగవంతుడ్ని ప్రార్థిస్తున్నాను. అని నటుడు మోహన్‌బాబు తెలిపారు....